Sò da veru, i guardiani di a vita in mare. I 466 salvatori benevulenti di a SNSM di Corsica anu salvatu più di 400 persone quist’annu. Malgradu a crisa sanitaria è a pruibizione di navigà mentre i cunfinamenti i salvatori anu avutu assai travagliu.

Ma chì ghjè a SNSM ?

A Sucetà Naziunale di u Salvamentu in Mare (SNSM) hè un’associu di benevulenti chì portà assistenza à e persone in periculu in mare. U so primu incaricu è di salvà a ghjente in mare chì sò in difficultà, salvendu a so vita, è di purtà assistenza à i batelli chì anu un prublema o chì sò in periculu per via d’una timpesta o d’un altru prublema cum’è per esempiu un tufonu ind’u fasciame. I salvatori ùn sò micca prufessiunali, anu un altru mistieru accantu ma sò tutti marinari di passione è di core. Ponu dinù participà à operazioni di prutezzione di l’ambiante ma ghjè assai scarsu perchè sò da veru specializati ind’è u salvamentu.

Per esse salvatoru di a SNSM ci vole avè 18 anni omancu è avè un certificatu di capacità fisice firmatu da un medicu. Ci vole di sicuru esse appena marinaru è passà e furmazione di succorsu ma à l’iniziu, hè aperta à tuttu u mondu a furmazione.

È tù, ti piacerebbe d’esse salvatoru di a SNSM è di salvà a ghjente in mare ?