À i Stati Uniti, duie donne si vestenu in caccare per pudè riceve u vaghjolu 
Scrittu da A redazzione
U 23/02/2021

Duie donne di 34 è 44 anni, anu pruvatu di traveste si cum’è caccare per pudè riceve u vaghjolu di pettu à a COVID-19, stu mercuri in Orlandu (Flurida), ci face sapè u New York Times. Vestite d’un berettinu, di guanti è di spechjette, sò andate inde un centru per esse vaccinate, per avà solu à destinazione di i più di 65 anni inde stu Statu americanu. 

U stratagema di e duie scherzose hà digià viaghjatu una volta, perchè anu presentatu un fogliu dicendu ch’elle avianu digià ricevute a prima inghjezzione. «  Ùn sò micca cum’elle anu fattu per passà a prima volta » hà spiegatu u duttore, ch’ùn hà vulsutu palisà a so identità. 

U dipartimentu di a Salute di Florida hà dumandatu à l’autorità lucale di mette in ballu parechje sanzioni. S’elle ùn anu pussutu riceve a seconda inghjezione, ùn sò micca state perseguite, dice u ghjurnale americanu.

Seguitemi nantu à e rete !

Subscribe To Our Newsletter

Subscribe To Our Newsletter

Join our mailing list to receive the latest news and updates from our team.

You have Successfully Subscribed!

Abbunate vi à à nostra lettera d'informazione

Ricevite i nostri articuli tutti i ghjorni

 

Perfettu!