A muntagna Everest hè diventata duie volte più faciule à attippà
U 16/09/2020
Scrittu da A redazzione

Hè una di e muntagne e più difficiule à appichjà ma l’Everest hè ancu di più affulatu. L’annu passatu, prima di u Covid, « u Tettu di u mondu » era praticatu assai assai, postu chì 885 persone sò ghjunte in cima. 

U « Tettu di u mondu » era statu attippatu in 1953, per a prima volta. Oghje ghjè un veru trafficu, cù ingorgu di pichjarini ind’è « u rughjone di a morte » chì hè sempre periculosu assai. 

Ma cumu hè chì ghjè assai più faciule di culà in cima che prima ? 

I pichjarini d’oghje anu attrezzi più legeri è muderni, certi passaghji per culà sò digià assettati di fune è stuvigli è ci vole dinù à parlà di e precisioni di u tempu chì sò avà assai più serie di prima. 

Tutti issi punti, ci permettenu di capì perchè chì l’Everest, muntagna di 8848 metri, hè oghje diventata duie volte più faciule à cullà. Più di i dui terzu di e spedizione sò oghje un successu, in lu mentre chì in u 1990, era solu un terzu. 

 

Ma attippà l’Everest un hè micca faciule, fattu per tutti, ci vole à esse spurtivu assai è ci vole assai d’addestramentu. 

 

 

 

Seguitemi nantu à e rete !

Subscribe To Our Newsletter

Subscribe To Our Newsletter

Join our mailing list to receive the latest news and updates from our team.

You have Successfully Subscribed!

Abbunate vi à à nostra lettera d'informazione

Ricevite i nostri articuli tutti i ghjorni

 

Perfettu!