Messa in causa d’arrubecciu è di drugatura, a Russia hè stata messa fora per dui anni, di e grande cumpetizioni internaziunali, principalmente di duie edizioni di i Ghjochi Ulimpichi, un resultatu annunciatu ghjovi u 17 di dicembre da u Tribunale di u Sportu. 

Puderà turnà per i Ghjochi di Parigi in u 2024, ancu s’è l’Agenzia Mundiale Antidrugatura dumandava 4 anni di suspenzione per a Russia.

Dopu à 4 ghjorni d’audienza à u principiu di u mese di nuvembre, i trè arbitri scelti da u TS à Lausanne, anu resu u so resultatu longu di 180 pagine, una decisione unica ind’è a storia di a ghjustizia spurtiva.