À u Regnu-Unitu, a pulizza trova un pomu pensendu ch’ellu era un pede umanu
Scrittu da A redazzione
U 13/01/2021

Una donna chì era in traccia di spassighjà si hà chjamatu a pulizza dopu avè vistu un ditu di pede in terra. Ma i pulizzeri, aiutati da cani spezializati è pensendu ch’ellu era un cadaveru umanu anu fattu un’altra scuperta assai particulare stu 5 di ghjennaghju.

A storia principia quandu Katie Wilkinson, 26 anni, si face a so spassighjata incù u so cane. Per una volta, decide di scambià u so parcorsu è di passà accant’à un campu fangosu ind’u paese di Winlaton in u nordu è u levante di l’Inghilterra. Surpresa, rimarca una forma bizara chì face pensà à un ditu di pede umanu. Subbitu subbitu chjama a pulizza pensendu ch’ellu era un cadaveru.

A pulizza di u rughjone di Northumbrie hà subbitu messu in ballu un dispusitivu tamantu per elucidà stu misteru. Dopu à più di duie ore di ricerca i pulizzeri trovanu infine a suluzione di stu misteru ! U ditu umanu era infatti … un pomu crescendu accant’à un fungu

Per furtuna i pulizzeri anu pigliatu a situazione incù risa dicendu à Katie Wilkinson chì « s’ellu hè un legume, i nostri cani vi ringrazieranu per stu dulciume ».

Tamantu sbagliu ch’ella s’hè fatta Katie Wilkinson !

Seguitemi nantu à e rete !

Subscribe To Our Newsletter

Subscribe To Our Newsletter

Join our mailing list to receive the latest news and updates from our team.

You have Successfully Subscribed!

Abbunate vi à à nostra lettera d'informazione

Ricevite i nostri articuli tutti i ghjorni

 

Perfettu!