Thierry Corbalan hè ghjuntu in Mandelieu dop’à 180 chilometri di notu
U 21/09/2020
Scrittu da A redazzione

Partitu da Calvi luni matina, u delfinu corsu Thierry Corbalan, chì hà persu e so duie bracce, hè ghjuntu issa dumenica à meziornu in Mandelieu-la-napoule, dop’à avè nutatu per 180 chilometri. 

Nant’à u rinaghju di i delfini, sò decine di persone chì aspettavanu à Thierry Corbalan. A so famiglia, i so amichi, i so anziani culleghi, felici assai di vede, una volta di più, chì u delfinu corsu, hà tenutu morsu è hà riesciutu a so sfida. 

“Hè stata difficiule ma và bè, so fieru è felice di l’avè fatta » hà dettu u delfinu corsu chì hà nutatu una simana sana 10 à 12 ore per ghjornu, ripusendu si nant’à u batellu di a so squadra. 

Tocc’à noi di ramentà vi o zitè, chì u scopu d’issa sfida straurdinaria era di sensibilizà u publicu à a pulluzione di u mare mediterraniu è sopr’à tuttu di mustrà chì u svantaghju fisicu ùn impedisce micca di pudè campà sperienze straurdinarie. 

U FILMETTU

Seguitemi nantu à e rete !

Subscribe To Our Newsletter

Subscribe To Our Newsletter

Join our mailing list to receive the latest news and updates from our team.

You have Successfully Subscribed!

Abbunate vi à à nostra lettera d'informazione

Ricevite i nostri articuli tutti i ghjorni

 

Perfettu!