FOTO AFP
Australotitan, un dinosoru maiò scupertu in Australia hè una spezia nova !
Scrittu da A redazzione
U 16/06/2021

Un dinosoru maiò scupertu in u 2006 in Australia, hè statu identificatu cum’è una spezia nova, chjamata Australotitan cooperensis, l’unu di i più grande à avè campatu in u mondu !

Stu dinosoru appartene à u gruppu di i titanosori chì hà campatu 100 miliarde d’annate fà. Ci avemu scupertu spezie di stu gruppu di dinosori cù u collu longu, nantu à tutti i cuntinenti ! Omu stima ch’ellu era altu di 5 à 6,5 metri di altu è longu di 25 à 30 metri. Hè tandu u dinosoru australianu u più grande cunnusciutu à u mondu secondu à Robyn Mackenzie, di l’Eromanga Natural History Museum, pruprietariu di a tenuta induve sò stati trovi l’ossi. U scheletru era statu chjamatu « Cooper », u nome di un fiume di u Statu. A scuperta era tenuta secreta mentre e ricerche scientifiche. U scheletru hè statu mustratu per a prima volta à u publicu in u 2007.  A cunferma chì Cooper appartene à sta spezia hè un prucedimentu scientificu specificu è longu assai hà fattu sapè Scott Hocknull, paleontologu à u Queensland Musuem. E ricerche anu messu in ballu studii in 3D cù parechji ossami, sò stati publicati stu luni inde a rivista scientifica  PeerJ.

Seguitemi nantu à e rete !

Subscribe To Our Newsletter

Subscribe To Our Newsletter

Join our mailing list to receive the latest news and updates from our team.

You have Successfully Subscribed!

Abbunate vi à à nostra lettera d'informazione

Ricevite i nostri articuli tutti i ghjorni

 

Perfettu!