Cambia Buffalo Grill. I risturanti lascianu u spiritu saloon è u so famosu bisonte rossu. Una pubblicità fatta da l’agenzia publicitaria Marcel, nantu à Twitter, mette in ballu stu cambiamentu. Ci pudemu vede un vechju cow-boy è un indianu, affanatu è tristu, chì vene à piglià u bisonte emblematicu davanti à u risturante. U filmettu ammenta a decurazione nova è u spiritu novu di i 350 risturanti di a marca, chì hà dinù un risturante in Aiacciu. 

Hè finitu u sipiritu western di u principiu. Tocc’avà à una decurazione di steakhouse à l’americana. Ma a ghjente avvezza di stu locu ùn anu à teme à nunda, “c’hè sempre un’insalata è a canzona d’anniversariu” face sapè Buffalo Grill in leghjenda di a pubblicità.