Ti piace à cucinà, à impastà ?

Allora u mercuri, a squadra di u Ghjurnalettu ti prupone sosule simplice da fà per divertì ti in famiglia è manghjà piatti o dulciumi boni boni.

Oghje, Eccu e Bugattine ghiacciate di banane è cicculata !

Per 4 persone
Tempu di preparazione : 10 minuti

Ingredienti :
4 banane
200 grammi di cicculata da appruntà i dulciumi
50 grammi di nuciole, d’amandule in pezzu.

Preparazione :

Taglià e banane in pezzi di 5 centimentri. Mette i pezzi à nantu à picchi per fà infilzate di frutti.
Piazzà à u cunghjelatore per un’ora.
Strughje a cicculata à u bagnumaria.
Copre e banane cù a cicculata strutta è mette sopr’à i pezzi di nuciole o Amandule.
Piazzà l’infilzate à u cunghjelatore 3 o 4 ore per fà le ghjaccià cum’ellu ci vole.