Calvi – Mandelieu la Napoule à u notu: una sfida nova per Thierry Corbalan 
Scrittu da A redazzione
U 11/09/2020

Per rende cuscente a ghjente è u publicu di u fenomenu di polluzione in u Mediterraniu, u delfinu corsu Thierry Corbalan, vole fà un altra azzione spurtiva : un viaghju à notu da una sponda à l’altra di u mare : trà Calvi è Mandelieu la Napoule

Thierry Corbalan hè un atletu cunnusciutu assai, è parterà da a marina di Calvi u 14 di settembre à meziornu per ghjunghje à a marina di i delfini di Mandelieu la Napoule. 

Ci vulerà 5 à 6 ghjorni à u delfinu corsu, chì hà persu i so bracci in 1988, per percorre i 180 chilometri, nutendu 12 ore per ghjornu. Una squadra di 7 persone si primurerà di a gestione, di a so securità è di l’organizazione. Thierry Corbalan serà seguitatu da un battellu chjamatu « La petite sirène », induve ci seranu 3 kayachisti, 1 massaghjatore è dui skippers per aiutà lu s’ellu c’hè bisognu. 

Cum’è per tutte e so sfide spurtive, u scopu di Thierry Corbalan hè di pudè cumunicà nant’à l’associu « Le Dauphin Corse” chì aiuta e persone malate o chì patenu un svantaghju fisicu, è di mustrà ch’issi svantaghji fisichi ùn impediscenu micca di campà stonde straurdinarie.  

Seguitemi nantu à e rete !

Subscribe To Our Newsletter

Subscribe To Our Newsletter

Join our mailing list to receive the latest news and updates from our team.

You have Successfully Subscribed!

Abbunate vi à à nostra lettera d'informazione

Ricevite i nostri articuli tutti i ghjorni

 

Perfettu!