Cassandra Thomas ci parla di u so mistieru di buttegara
Scrittu da A redazzione
U 10/11/2020

Oghje si parla di u mistieru di buttegara, chì hè un serviziu essenziale. Cumu si passa a so ghjurnata ? Qualse sò i vantaghji è l’incunvenienti d’issu mistieru ?

Emu dumandatu à Cassandra Thomas chì hà apertu à so buttega in u paese d’Ortiporiu

–        Vi pudete prisentà ?

–        Salute mi chjamu Cassandra Thomas, aghju 25 anni, sò mamma di duie zitelli è so buttegara in Ortiporiu.

 

–        Chì ghjè u mistieru di buttegara ?

–        Hè un mistieru di cummerciante. Ciò chì ghjè impurtante ghjè d’esse presente per a ghjente, micca solu di vende. Ci vole discutà è cunnosce i clienti sopratuttu in paese.

 

–        Cumù si passa una ghjurnata di buttegara ?

–        Apru a buttega a matina versu 9 ore, puliscu u locu, mettu i prudutti in parastaghju è accogliu i clienti. Dopu ci vole cunsiglià i clienti è vende li i prudutti ma ghjè dinù impurtante d’andà à circà a mercanzia. Certe volte e ghjurnate sò veramente longhe è difficiule ma d’altre volte ùn ci hè micca troppu mondu. Ghjè que u cummerciu, ùn sapemu mai cumù si passera a ghjurnata.

 

–        Perchè si diventata buttegara ?

–        Ùn ci era micca di speziera in paese è i mo paisani devianu piglià a strada per andà à fà e corse. A u principiu era sopratuttu per elli chì vulia apre a buttega ma ghjè dinù perchè sò passiunata da u cummerciu è da u cuntattu incù a ghjente. Sta buttega ghjera dunque cum’è un’evidenza.

 

–        Ci vole fà studi per esse buttegara ?

–        Innò ùn hè micca una necessità anchu s’ellu hè megliu d’amparà a pena di gestione d’intraprese. À u principiu ùn era micca amica incù e matemache mà avà va megliu (risate).

 

–        Chì ti piace u più ind’è u to mistieru ?

–        Ghjè sopratuttu u cuntattu incù a ghjente, di rende li un serviziu è di vede li felici.

 

–        Chì sò i vantaghji è i svantaghji d’avè une buttega in paese ?

 –        I vantaghji sò ch’eiu possu campà è travaglià in paese ma ghjè dinù di participà à a vita di u paese. U più grande svantaghju hè chì ghjè un mistieru chì dumanda assai tempu.

 

–        Cosa voli dì a i giovani chì si ponenu a questione di chì mistieru sceglie ?

–        Vogliu dì chì esse buttegara, sopratuttu in paese, ghjè un’aventura di scemu ! Ci vole sempre trova manere nove per fà piacè à i so clienti ma ghjè una vera goia. À sti ghjovani vogliu anchu dì chì u più impurtante hè di fà ciò chì ci piacè u più.

 

Seguitemi nantu à e rete !

Subscribe To Our Newsletter

Subscribe To Our Newsletter

Join our mailing list to receive the latest news and updates from our team.

You have Successfully Subscribed!

Abbunate vi à à nostra lettera d'informazione

Ricevite i nostri articuli tutti i ghjorni

 

Perfettu!