Charli D’Amelio palisa u disordine alimentariu
U 14/09/2020
Scrittu da A redazzione

A simana passata, a « star » di TikTok Charli D’Amelio  hà spartutu cù i so abbunati nant’à Instagram un dettagliu di a so vita chì a ghjente ùn cunnuscia : l’Americana di 16 anni pate un disordine alimentariu assai seriu – un prublema digià palisatu in u passatu da a giuvanotta. Charli D’Amelio hà spartutu a so sperienza per aiutà i so abbunati chì cunnuscerianu u listessu prublema è dà li a forza di tene morsu. 

Per pudè tuccà i so abbunati, a star Charli d’Amelio hà fattu una storia Instagram in scrittura, chì s’apre cusì :

Aghju sempre pruvatu à mette a mo nuturietà à prò quand’ellu ci vulia à parlà di a percezzione di sè stessu ma ùn aghju mai parlatu di a mo lotta di pett’à u mo disordine alimentariu. Palisà iss’affare mi scumoda, ch’ella sia davant’à a mo famiglia, i mo amichi è davant’à u mondu sannu dinù. 

Sin’à avà, avia una paura tremenda di fà sapè chì patu un disordine alimentariu ma spergu chì fendu cusì, possu aiutà à qualchissia d’altru. A sò chì ghjè un prublema nascostu ma chì cuncerna assai persone. 

Charli D'Amelio

Seguitemi nantu à e rete !

Subscribe To Our Newsletter

Subscribe To Our Newsletter

Join our mailing list to receive the latest news and updates from our team.

You have Successfully Subscribed!

Abbunate vi à à nostra lettera d'informazione

Ricevite i nostri articuli tutti i ghjorni

 

Perfettu!