Chì sò e « fake news » ?
Scrittu da A redazzione
U 20/08/2020

A spressione inglese « fake news » vole dì « nutizie falze ». Parla di e nutizie falze, chì sò sbagliate di manera vuluntaria. Una fake news cunnusciuta assai ind’è u mondu hè quella di u sustegnu di u papa Francescu à Donald Trump quand’ellu era candidatu à a presidenza di i Stati Uniti. Un altru esempiu hè u numaru impurtantissimu di fakes news chì sò spartute nant’à u coronavirus.

E fakes news sò sempre esistite : 80 anni fà, un cumediante avia spaventatu l’Americani fendu crede à a radio, à un invasu di i marziani. Ma oghje, e « fake news » sò putentissime, per via di e rete suciali. Nant’à Tik Tok, Instagram, You Tube, Facebook, Snapchat, ognunu pò sparte infurmazioni senzà verificà le. Ma per esse un cittadinu liberu è respunsevule, ognunu deve amparà à verificà i so fonti, ch’elli sianu nant’à Internet o ind’è altri media.

U Ghjurnalettu vole aiutà vi à capì è scopre e « fake  news » cù esempi cuncreti è aiutentu à svulippà u vostru spiritu criticu. 

Primu cunsigliu : 

Quandu scopri un infurmazione nant’à Internet, u primu riflessu hè di dumandà ti s’ella hè vera. Ùn ci vole micca à crede tuttu ciò chì tù leghji, vedi ou senti senza verificà… Dumanda puru à una persona maiò di verificà cù tè s’è l’infurmazione hè vera o nò.

Definizione 

E fake news (à spessu chjamate « infox », mischju trà e parolle « info » è « intox » sò infurmazioni sbagliate di manera vulintaria (in inglese, fake vole dì « falzu ») chì venenu da una persona o parechje (è chì sò spartute ind’è i media, internet, rete suciali), da un media o parechji, o d’una persona chì travaglia à u guvernu. 

Seguitemi nantu à e rete !

Subscribe To Our Newsletter

Subscribe To Our Newsletter

Join our mailing list to receive the latest news and updates from our team.

You have Successfully Subscribed!

Abbunate vi à à nostra lettera d'informazione

Ricevite i nostri articuli tutti i ghjorni

 

Perfettu!