Stu cane rossu gigante hè una campa per i zitelli dapoi parechji anni ! Di leva in purleva, st’animale mansu piace sempre à i chjuchi cum’è à i maiò ! U persunagiu di Clifford ùn hè novu ! Clifford u filmu, chì serà à u sinemà u 1mu di dicembre, hè inspiratu da a seria di televisione americana, “Clifford le gros chien rouge”, surtita inde l’anni 2000 (chì venia ella dinù d’una seria di libri di Norman Bridwell, surtita in u 1963).

Clifford hè un persunagiu ch’omu ùn smintica ! E so avventure facenu ride è cummuvante ! 

A STORIA DI CLIFFORD

Clifford hè un picculu labradore rossu chì viaghja solu solu in New York, quandu hè accoltu da un magu misteriosu è stranu. Qualchì ghjornu dopu, una zitelluccia vene, per casu, à scuntrà u magu è scopre Clifford. Subitu subitu, u vole piglià cù ella ma u lascia à u magu. Ma u magu hè malignottu ! Face affacca si Clifford inde u saccu di Emily Elizabeth. Hè una storia d’amore cummuvante è bella chì principia. Ma postu ch’elli accadenu à spessu qualchì penseru…. Clifford diventa gigante, cum’è un elefante, è diventa a preda d’un laboratoriu scientificu ! A zitelluccia, a so famiglia è i so  amichi cummincianu una storia tamanta : salvà Clifford !