Coco Chanel, a zitellina d’urfanella icona di a moda mundiale
Scrittu da A redazzione
U 13/01/2021

Simbulizeghja l’eleganza francese. Cinquant’anni fà Coco Chanel si spinghjia à 87 anni ind’è à so camera di lussu di u Ritz, u famosu palazzu di Pariggi. Ma nanzu di campà ind’un palazzu, Coco Chanel chì si chjamava da veru Gabrielle Chasnel, hà cunnisciutu una vita d’urfanella assai difficiule.

Hà 12 anni quand’ella hè ricuverata incù e so duie surelle ind’è l’abbazia di Aubazine in u rughjone francese di a Corrèze dopu à a morte di a so mamma è l’abbandonu di u so babbu. Passerà 6 anni ind’è l’abbazia, amparendu a cusgera è l’altri insignamenti per e donne chì s’amparavanu à e ghjuvanotte à l’epica. Ghjè una vita assai difficiule, austera, campendu à u ritimu di e sore.

U so gustu per i vestiti incù ligne appurate, per i culori bianchi, neri è u bisgiu sò di sicuru liati incù a subrietà di sti lochi è di i so abitanti. Ghjè dinu pussibule chì u famosu logo fattu di dui « C » abbuglinati sia natu ind’è u spiritu di Coco Chanel fighjendu e vetrate di a chjesa.

Cinquant’anni dopu à a so morte, Coco Chanel sta un’icona di a moda incù assai misteri ind’a so vita.

Seguitemi nantu à e rete !

Subscribe To Our Newsletter

Subscribe To Our Newsletter

Join our mailing list to receive the latest news and updates from our team.

You have Successfully Subscribed!

Abbunate vi à à nostra lettera d'informazione

Ricevite i nostri articuli tutti i ghjorni

 

Perfettu!