Coronavirus : e « fake news » anu pruvucatu centinaie di morti in u mondu
Scrittu da A redazzione
U 04/09/2020

Un studiu publicatu in a rivista americana The American Journal of Tropical Medicine and Hygiene” hà dimustratu u periculu di e « fake news ». In effetti, per i mesi di u cunfinamentu, infurmazioni sbagliate nant’à u coronavirus, averianu cagiunatu a morte d’800 persone è dinù l’uspitalizazione di 5800 persone in u mondu.

Trà i mutivi d’uspitalizazione in legame cù e fakes news, quellu chì hè statu u più sentitu, hè l’utilizazione di i prudutti disinfettanti. Una sessantina di persone sò dinù state accecate dop’à à avè betu metanolu.

I circatori chì anu fattu issu studiu, anu analisatu à pocu pressu 2300 fake news ; in 25 lingue, è in 87 paesi, trà ghjennaghju è aprile di u 2020, per pudè buscà issi cifri. 

Dapoi u principiu di l’epidemia, l’OMS (Urganismu Mundiale di a Salute), avia dumandatu di fà casu nant’à e falze infurmazioni nant’à u coronavirus. 

Fate sempre casu è prima di curà vi, dumandate sempre u parè di un medicu. 

Seguitemi nantu à e rete !

Subscribe To Our Newsletter

Subscribe To Our Newsletter

Join our mailing list to receive the latest news and updates from our team.

You have Successfully Subscribed!

Abbunate vi à à nostra lettera d'informazione

Ricevite i nostri articuli tutti i ghjorni

 

Perfettu!