Coronavirus : Emmanuel Macron prisentera a so strategia di scunfinamentu venneri
Scrittu da A redazzione
U 29/04/2021

Un mese dopu à a messa in ballu di misure nove per fà calà l’epidemia di a COVID-19, Emmanuel Macron parlerà à i francesi venneri per prisentà e perspettive per sorte à pocu à pocu di u cunfinamentu, hà fattu sapè u primu ministru Jean Castex stu mercuri. 

Dopu à a riapertura di e scole materne, u 3 di maghju duverianu riapre i cullegi è licei è ci serà dinù a fine di e restrizzioni di spiazzamenti eppò pianu pianinu a riapertura di i caffè è risturanti. 

 

Jean Castex hà dinù dichjaratu chì a fine di e misure si feria à pocu à pocu in lea cù a campagna di u vaghjolu. Secondu à ellu, a vaccinazione sì face bè, cù 469.000 persone chì anu ricevutu u vaghjolu per a sola ghjurnata d’eri. Hà dinù dichjaratu : “sta sera, 60% di i nostri citadini di 60 anni, averanu ricevutu a prima dosa di vaghjolu di pettu à a COVID. 

 

U scopu hè di francà i 15 milioni di persone vaccinate à a fine di sta simana è 20 milioni da quì à u mese di maghju.

Seguitemi nantu à e rete !

Subscribe To Our Newsletter

Subscribe To Our Newsletter

Join our mailing list to receive the latest news and updates from our team.

You have Successfully Subscribed!

Abbunate vi à à nostra lettera d'informazione

Ricevite i nostri articuli tutti i ghjorni

 

Perfettu!