Covid-19 : E rientrate sculare ripurtate in Europa
Scrittu da A redazzione
U 07/01/2021

In Francia, a rientrata di i sculari u 4 di ghjennaghju s’hè fatta di manera nurmale malgradu l’epidemia di Covid-19 chì cresce. Ma ùn hè micca listessa affare per i nostri vicini europeani. Certi anu ripurtatu a rientrata quandu d’altri anu prifiritu fà a scola annant’à internet cum’è per u primu cunfinamentu.

In Alemagna, l’auturità anu decisu di mantene chjose e scole per via di a crescita nova di l’epidemia è almenu per una settimana di più, anzi duie settimane. Intantu, u mese di ghjennaghju ùn serà micca sinonimu di vacanze prulungate chì u guvernu tedeschu hà decisu di fà l’insignamentu incù internet.

In Inghilterra, tutte e scole steranu chjose sin’à u 18 di ghjennaghju omancu per via di sta variazione nova di u siscu chì face a peura à u guvernu è chì hè più cuntagiosa.

In Spagna, a rientrata chì duvia esse fatta l’ottu di ghjennaghju hè ripurtata à luni l’ondeci di ghjennaghju.

In Italia, a rientrata dipende d’ogni rughjone. Certe ripiglieranu l’ondeci o u 18 di ghjennaghju, d’altre solu u 31 quandu d’altre ripiglieranu u 7 di ghjennaghju ma annant’à internet.

In Olanda è in Austria, a rientrata si fera per a metà di u mese di ghjennaghju. Per entre in scola, i zitelli duveranu fà una prova per sapè s’elli anu o micca u siscu.

Solu a Belgique hà cunnisciutu una rientrata nurmale u 4 di ghjennaghju cum’è a Francia.

 

 

Seguitemi nantu à e rete !

Subscribe To Our Newsletter

Subscribe To Our Newsletter

Join our mailing list to receive the latest news and updates from our team.

You have Successfully Subscribed!

Abbunate vi à à nostra lettera d'informazione

Ricevite i nostri articuli tutti i ghjorni

 

Perfettu!