Covid-19 : Ùn apreranu micca subbitu e stazione di schì corse
Scrittu da A redazzione
U 08/01/2021

Ùn serà micca pussibule di piglià si subbitu qualchì falata ind’a neve. U guvernu hà cunfirmatu stu ghjovi u 7 di ghjennaghju chì e stazione di schì ùn puderanu micca apre per avà. À l’iniziu, st’apertura era privista per eri, u 7 di ghjennaghju, ma per via di l’epidemia di Covid-19 chì cresce sempre, u guvernu hà decisu di ripurtà l’apertura. Peccatu ch’ellu ci hè una bella neve in Corsica per una volta !

Cusì e stazione di schì di Ghisoni, Ese, Vergiu è Ascu ùn puderanu micca rimette in marchja i so allestimenti per ricullà e falate di schì. Duverai dunque aspettà per pudè fà u to schì è piglia ti salti tamanti per impressiunà i t’amici. Per rimpiazzà l’adrenalina di u schì e sempre pussibule di fà si una spassighjata in racchetta ancu s’ellu hè una pràtica più dilica.

Ci vulerà esse pazientosu per pudè prufittà di stu bellu mantellu biancu chì copre e muntagne corse.

Seguitemi nantu à e rete !

Subscribe To Our Newsletter

Subscribe To Our Newsletter

Join our mailing list to receive the latest news and updates from our team.

You have Successfully Subscribed!

Abbunate vi à à nostra lettera d'informazione

Ricevite i nostri articuli tutti i ghjorni

 

Perfettu!