Ci vole à fà casu perchè hè facile assai per un macagnone o una persone gattiva di fà si passà per qualchissia d’altru o di sparte infurmazioni false. Quandu una nutizia pare « tremenda, incredibile », ci vole à verificà per esse sicuru d’ùn esse pigliatu per un tontu. Pensi puru chì quandu hè troppu bella per esse vera, à spessu, ùn hè micca vera…

Cumu verificà l’infurmazioni ? 

U ghjurnale « Le Monde » hà creatu un stuvigliu praticu assai chì si chjama « Décodex. » Basta à entre un indirizzu internet, è Décodex ti prevene per sapè s’è u fonte pò esse credutu o s’ellu ci vole à fà casu. U décodex hè dinù dispunibile cù l’apps per sapè s’è u situ pò esse credutu, direttamente da a pagina che tù leghji.