Cumu si diventa dentistu ?
U 13/10/2020
Scrittu da A redazzione

Ogni simana sottu forma d’intervista metteremu in lume un mistieru. Cusì, serà pussibile di scuntrà à qualchissia chì face issu mistieru è chì ne puderà parlà è d’avè dinù belli ritratti. Parlemu oghje di a prufessione di dentistu.

  • Gmail
  • Facebook

– Quandu avete decisu di diventà chirurgu – dentistu ? 

– Da quandu a mi possu ramentà, aghju sempre vulsutu diventà dentistu. Sti studi quì mi piacianu monda ! In classa di terza, aghju fattu un staziu di 2 simane in un cabinettu di dentisti. Stu staziu m’hà permessu di esse sicuru di a mo scelta. 

– Cumu si diventa dentistu ?

– Hè un percorsu assai longu… Per fà stu mistieru, ci vole à uttene un diploma di Statu di duttore in chirurgia per i denti. I studi si facenu à l’università per una durata di 6 anni, in trè tempu. U più difficiule hè u primu ciculu perchè chì ci vole à avè u cuncorsu per passà da a prima à a seconda annata. Hè un cuncorsu assai difficiule, è c’hè un numeru fissu di persone à piglià, si chjama u numerus clausus. 

Qual’è u profilu d’un studiente in chirurgia per i denti ? 

Un studiente in chirurgia per i denti, deve prima di tuttu esse un medichente. In realità, ùn si cura solu una bocca ma un omu sanu ! Ci vole dunque à esse in capacità di stà à sente a persona chì no’ curemu, di rassicurà la, è di mette in ballu una relazione di fiducia. Ci vole dinù à tene in mente, chì u nostru mistieru hè sopratuttu un mistieru chì si face cù e nostre mani, un studiente in chirurgia per i denti deve dunque esse lestru cù e so mani. Ma sta cumpitenza s’ampara à pocu à u pocu, anni dopu anni (ancu s’è certi studienti principinau cù una certa agilità).

 

– Quandu hè chì omu principia à travaglià ?

– Sta furmazione ci mette subitu ind’è a pratica. A parte da a seconda annata, si facenu parechji travagli pratichi, è in quarta annata, curemu i nostri pazienti mentre u nostru staziu. Ci vole à esse forte di mente, ci vole à tene forte è à ùn cappià nunda : hè una furmazione difficiule assai, chì certe volte, ci porta l’angoscia o u stress, ma ne vale a pena. I chirurgi – dentisti travaglianu per a maiò parte di manera liberale. Simu i nostri patroni, pudemu sceglie e nostre ore di travagliu, è a squadra cù quale travaglià. 

Seguitemi nantu à e rete !

Subscribe To Our Newsletter

Subscribe To Our Newsletter

Join our mailing list to receive the latest news and updates from our team.

You have Successfully Subscribed!

Abbunate vi à à nostra lettera d'informazione

Ricevite i nostri articuli tutti i ghjorni

 

Perfettu!