U ghjornu di u Ringraziamentu, o “Thanksgiving Day”, hè una festa tradiziunale festighjata à i Stati Uniti è a u Canada ; ogni quartu ghjovi di u mese di nuvembre (è dunque u 25 di nuvembre quist’annu). 

U Ringraziamentu americanu hè u più cunnusciutu à u mondu. Mentre sta ghjurnata, e famiglie americane s’adduniscenu inde i parenti (a tradizione ùn prevede micca di andà in risturante) per manghjà tutti inseme prudutti di stagione. U scopu hè di ringrazià à Diu per e cose bone di a vita, per i so cari è i so amichi. 

Ma, u ghjornu di u Ringraziamentu, cosa si festighjeghja ?  Per cunnosce a storia di stu ghjornu, ci vole à turnà à i seculi di e culunie, quandu i Stati Uniti eranu sempre inglesi. (leghji l’altru articulu). 

CUMU SI FESTIGHJEGHJA ? 

U simbulu di u Ringraziamentu hè a ghjallinaccia ripiena, messa nantu à tutte e tole di u paese, stu ghjornu quì.

A ghjallinaccia hè l’animale americanu purtatu in Auropa da i Spagnoli, dopu à avè la cunnusciuta grazie à l’aztechi. St’animale hè assai faciule da ammansà è fù u ripastu principale per u primu ripastu di u Ringraziamentu trà i culoni è l’Indiani. Nurmalamente, a ghjallinaccia si manghja cù specialità : a “salsa gravy” chì dà assai gustu à a carne, i pomi, a carotta, a torta di zucca.

Dopu à u ripastu, a ghjente sorte di casa per vede e sfilate di gruppi musicali, i caruleddi chì si movenu ogni ghjornu di u Ringraziamentu inde tutte e cità americane !