Cunnuscete a bicicletta di u mare ?
Scrittu da A redazzione
U 13/09/2021

Manta5 (un’impresa di Nova Zelanda) hà sceltu u Cannes yachting festival per mette in ballu a vendita di « Hydrofoiler XE-1 », a prima bicicletta di u mare, in Francia.
Per esse sviluppatu in un elementu novu, l’ogettu hà cappiatu e so rote infilarate per aduprà i « foils », in fibra di carboniu. Sò ale chì permettenu di trasmette una certa forza inde l’acqua. Per dì la chjara, cù u muvimentu, l’inseme di a bicicletta ferma in l’aria è pò ancu avanzà sin’à 21 chm/ora cù a so batteria. S’è a bicicletta si pianta, l’ogettu casca in l’acqua ma ùn affonda micca per via di e so boe. Ci vole quantunque parechje lezziò per amparà à fà viaghjà l’apparechju. Omu pò parte di l’arena, o di l’acqua direttamente. Parechji filmetti sò dispunibili per vede cumu funziona sta bicicletta. Per l’amparera, c’hè un’applicazione chì si cunnette in Bluetooth. U custruttore annunzia un’autonomia di l’ugettu sin’à 4 ore è 11 chilometri di vitezza. Chì penserà a ghjente di sta categuria nova di prudutti per i passatempi in mare ?

Seguitemi nantu à e rete !

Subscribe To Our Newsletter

Subscribe To Our Newsletter

Join our mailing list to receive the latest news and updates from our team.

You have Successfully Subscribed!

Abbunate vi à à nostra lettera d'informazione

Ricevite i nostri articuli tutti i ghjorni

 

Perfettu!