Da quandu ci sò e vacanze di i Santi ?
U 16/10/2020
Scrittu da A redazzione

I nostri parenti è caccari, ùn avianu u listessu ritmu di vacanze cà noi. U calendariu sculare hà cambiatu dapoi u 1800 : i sculari di i culleghji è licei avianu tandu un mese è mezu di vacanze trà u mese d’aostu è u 1mu uttobre. Stu tempu liberu currisponde à u tempu di a caccia, un periudu impurtante assai per e famiglie di sgiò. D’altronde, i so zitelli eranu i soli à pudè studià à u ciculu secondariu. 

À pocu à pocu, allora chì a rientrata si face sempre u 1mu d’uttobre, u principiu di e vacanze hè avanzatu : prima à u 9 d’aostu (in 1875), dopu à u 1mu (in 1891), per fà si u 14 di lugliu à parte di 1912 perchè chì a scola deve tene contu di u fattu chì i zitelli devenu aiutà i so parenti per e cugliere. In 1959, u principiu di e vacanze hè avanzatu à u 1mu di lugliu, è in 1983 si decide di mette a rientrata sculare à u principiu di u mese di settembre. 

Dop’à parechji cambiamenti, hè solu in l’anni 80 chì « e grande vacanze » diventanu « e vacanze d’estate » è sò cappiate duie simane per metteli à u mese d’uttobre per e vacanze di i Santi cù 10 ghjorni di riposu da a fine d’uttobre sin’à u 2 di nuvembre è dinù per e vacanze di Natale : duie simane trà ferraghju è marzu, ma dipenda di l’accademie. 

E duie simane di vacanze di settembre spariscenu per sempre cù a scumparsa di ciò chì era tandu chjamatu « u paisanume francese » .

 

Seguitemi nantu à e rete !

Subscribe To Our Newsletter

Subscribe To Our Newsletter

Join our mailing list to receive the latest news and updates from our team.

You have Successfully Subscribed!

Abbunate vi à à nostra lettera d'informazione

Ricevite i nostri articuli tutti i ghjorni

 

Perfettu!