Daft Punk : i cantadori si spiccanu è a facenu sapè inde u filmettu “Epilogue”
Scrittu da A redazzione
U 23/02/2021

Dop’à avè fattu ballà u mondu sanu per 28 anni, Thomas Bangalter et Guy-Manuel de Homem-Christo anu annunziatu luni u 22 di ferraghju a fine di u so duettu : Daft Punk.

Hè cù un filmettu chjamatu Epilogue è messu in linea annantu à u so contu Youtube chì i dui francesi anu fattu sapè u so staccu. U filmettu di 8 minuti  ripiglia un pezzu di u so filmettu Electroma (2008), induve i dui cantadori mascherati cantanu in un desertu « Hold on, if love is the answer, you’re home », chì pudemu sente à a fine di a canzona « Touch » surtita in u 2013 annantu à u so dischettu « Random Access Memories ». À l’epica, a so canzona « Get Lucky », cù Pharell Williams è Nile Rodgers avia giratu u mondu sanu fendu di i dui cantadori stelle di a musica elettronica. L’annu dopu, in u 2014, i francesi avianu vintu cinque Grammy Awards. 

Natu in Parigi in u 1993, u duettu Daft Punk avia presu stu nome dopu à a critica musicale di u ghjurnale inglese Melody Maker, chì avia qualificatu u so primu single di « daft punky trash ».

Seguitemi nantu à e rete !

Subscribe To Our Newsletter

Subscribe To Our Newsletter

Join our mailing list to receive the latest news and updates from our team.

You have Successfully Subscribed!

Abbunate vi à à nostra lettera d'informazione

Ricevite i nostri articuli tutti i ghjorni

 

Perfettu!