Dorian Martinelli ci parla di u so mistieru di macellaru
Scrittu da A redazzione
U 03/11/2020

Oghje si parla di u mistieru di macellaru, chì hè à tempu un artisgianu è un cummerciante. Cumu si passa a so ghjurnata ? Qualse sò i vantaghji è l’incunvenienti d’issu mistieru ?

Emu dumandatu à Dorian Martinelli

– Vi pudete prisentà ?

– Salute mi chjamu Dorian Martinelli, aghju 27 anni è sò macellaru in Bastia

 

–  Chì ghjè u mistieru di macellaru?- – – Oghje esse macellaru ghjè fà parechje cose. Prima ci vole sceglie i più belli pezzi di carne, hè impurtante per pudè travaglià è avè un bellu pruduttu. Dopu ci vole trasfurmà  a carne per vende la. Simu una tappa impurtante trà l’allevadori è u cliente. In più avemu un rollu di cunsiglieru per i clienti, simu cummerciante è ci vole prupone i prudutti adattati per ognunu.

 

– Perchè si diventatu macellaru ?

– Eiu sò natu nentru. U mo babbu hè macellaru dipoi 40 anni è hà a so buttega ma face dinù sempre u tragulinu. Vole dì ch’ellu passa sempre ind’è i paesi incù u so camiò per vende a carne. A 15 anni ne avia une techja di a scola è di stà pusatu durante a ghjurnata sana. Aghju dunque fattu une furmazione per diventà macellaru senza sapè s’ellu mi piaceria. Per furtuna, sò cascatu innamuratu di u mistieru subitu subitu.

 

–  Chì studi fà per esse macellaru

– Per i giovani ci vole passà per un Centru di Furmazione di i Lavurenti è avè u sò Certificatu di Capacità Prufessiunale in 2 o 3 anni. A furmazione hè aperta a partesi di 15 anni.

 

– Chì ti piace u più ind’è u to mistieru ? Quale chì t’hà datu a brama ?

– A mo partita preferita ghjè u tecnicu. Travaglià u pruduttu per rende lu più bellu è megliu. U cuntattu incù i clienti mi piace dinù ma mi sentu megliu ind’è u mio attellu à fà a preparazione. U mio babbu m’hà datu a brama d’esse macellaru ma ghjè David Boesflug chì m’hà trasmettu a passione. Ghjè un macellaru chì hè statu megliore operaiu di Francia in 2004 è chì m’avia furmatu per u cuncorsu di u megliore lavurente di Francia.

 

– Chì sò i vantaghji è i svantaghji di stu mistieru ?

– Ghjè sopratuttu un mistieru passione. Femu parechje cose ind’è une ghjurnata di travagliu è cuminciemu di bon’ora per finisce tardi. Hè difficiule à u livellu fisicu anchu si oghje avemu parechji apparechji per aiudaci.

 

–   Chì vole dì à i giovani chì si ponenu a questione di chì mistieru sceglie 

– Vogliu incuragì sti giovani à vene vede cumù si passa una ghjurnata di macellaru. U mistieriu a scambiatu, a macelleria hè un arte.

Seguitemi nantu à e rete !

Subscribe To Our Newsletter

Subscribe To Our Newsletter

Join our mailing list to receive the latest news and updates from our team.

You have Successfully Subscribed!

Abbunate vi à à nostra lettera d'informazione

Ricevite i nostri articuli tutti i ghjorni

 

Perfettu!