U 31 d’ottobre scorsu, Kourtney Kardashian hà spartutu ind’è e rete suciale una infurmazione chì parlava di e maschere cirurgiche per prutege si da u Covid-19. Dicia chì alcune di ste maschere cuntenenu una sustanza chjamata u PTFE chì puderia pruvucà u cancheru. Secondu à Kourtney Kardashian, l’infurmazione serebbe stata spartuta da l’urganisazione Cancer.org.

Prublema, l’urganisazione assicura ch’ella ùn hà mai spostu una teuria cusì. Di più, numerosi sò i medichi chì si sò rivultatu contr’à a surella di Kim Kardashian per avè spartutu une falza infurmazione cusì à i so 102 milioni d’abbunati ind’è Instagram.

« Ghjè qualcosa per una persona nurmale di pretende annant’à e rete suciale chì e maschere danu u cancheru. Ghjè altra cosa per Kourtney Kardashian di fà lu ind’è e so story Instagram chì sò viste da più di 100 milioni d’abbunati » dice u dottore Joshua Wolrich annant’à twitter. È ùn hè micca u solu à avè dinunciatu u messaghju di Kourtney Kardashian chì ùn s’hè mancu scusata per stu sbagliu