Eccu i laureati corsi di a prima edizione di a sfida “Clash tes Stéréotypes”
Scrittu da A redazzione
U 25/05/2021
Ci sò sempre, ad avà, troppu differenze à a scola. Eccu d’induve vene u cuncorsu “Clash tes stéréotypes” : palisà tutti i stereotipi, razzisti, sessisti, in lea cù u svantaghju fisicu, murale, o cù e classe suciali. U scopu hè di fà piglià cuscenza à i giovanni di sti fatti. 
 
U cuncorsu cunsista à scrive un articulu o à girà un filmettu palisendu i stereotipi inde a vita prufessiunale. 10 stabilimenti, 15 prufessori, 8 imprese, è 261 elevi anu travagliatu nantu à stu tema cù u ghjocu “Cherchons ensemble”. Eppò via 6 piccule imprese cù l’associu “Entreprendre pour apprendre Corsica”, 156 elevi di 6 stabilimenti anu sceltu u stereotipu à palisà per scrive un articulu o girà un filmettu. 
 
Eccu i laureati scelti da a ghjuria : 

–       U premiu di a categuria ARTICULU : ” e differenze salariale” da l’elevi di a prima STMG, Lina-Marie Buroni di u Liceu Fesch è disegnatu da Medhi Jamal è Maxime Doux di u liceu Laetitia.

–       U premiu di a categuria FILMETTU « Une femme sans forme nest pas une femme » da Kincso Molnar, Mathéa Versini, in classa di prima STM di u liceu Laetitia d ‘Aiacciu.

–       U premiu “FULMINANTE” in filmettu « Cliché de genres…pas pour nous » da a classa 4rta SEGPA di u cullegiu Maria de Peretti di Purtivechju (Rayan Aattach, Ayoub Aissaoui, Astrid, Bireau, Tatiana Cabral Sousa, Camilla Coelho Duarte, Yasmine El Haddadi, Iman El Ouatani, Angelo Farria Torre, Matteo Galistru, Quentin Levallois, Anthony Oliveira Figueiras-Leonelli, Stella Baldacci, Catarina Silva Torre, Rafael Ferrera Alves)

Anu vintu un scontru cù i prufessiunali di u ghjurnalismu, di l’audiovisivu, è di l’eventi !

_____________________

Un partenariatu à longu andà 

 

A sfida “CLASH TES STEREOTYPES” hè messa in ballu da u Medef di Corsica è di l’accademia di Corsica in u quadru di un partenariatu nantu à parechji anni, firmatu di lugliu di u 2019. Parechji prugetti sò purtati, per fà una lea trà u mondu ecunomicu è u mondu educativu : per fà cunnosce l’impresa, i travagli è i parcorsi di furmazione per esse ci, è mette in valore a vita prufessiunale è di l’amparera : visite d’imprese, spuntini inseme, classe in impresa….

A Direzzione Regiunale di i Diritti di e Donne, participa à sta sfida, cù a Missione Scola-Impresa di a Delegazione Accademica à a Furmazione Prufessiunale Iniziale è Cuntinua (DAFPIC).

 

 

Seguitemi nantu à e rete !

Subscribe To Our Newsletter

Subscribe To Our Newsletter

Join our mailing list to receive the latest news and updates from our team.

You have Successfully Subscribed!

Abbunate vi à à nostra lettera d'informazione

Ricevite i nostri articuli tutti i ghjorni

 

Perfettu!