A nostra famiglia, a cunniscimu da veru ? Eccu a dumanda fatta à l’appiattu ! Stu cartonu animatu novu di Disney, Encanto : sorte à u sinemà stu mercuri 24 di nuvembre. In un decoru magicu cù culori vibrante, l’ultimu filmettu di Disney ci trasporta inde a storia di Marabel chì parte à scopre u mondu per salvà a so famiglia.
A mezu à e muntagne di Culumbia, a famiglia Madrigal campa inde un mondu meravigliosu è d’incantu : l’Encanto. Stu mondu hà datu à ogni membru di a famiglia un putere magicu. Una forza tamanta, sapè parlà a lingua di l’animali, o sapè curà à l’omi, a famiglia sana tene un putere magicu. Ma micca Mirabel. A zitelletta à spechjetti ùn hà ricevutu nunda. Ma quandu a magia di l’Encanto hè minacciata, hè forse l’unicu modu da salvà a so famiglia è u so mondu fantasticu.
