Esistenu i mancini è i manidritti, ma perchè ?
Scrittu da A redazzione
U 24/11/2021

Esse manidrittu vole dì chì scrivi cù a to manu diritta, ti lavi i denti, o pigli una palla cù a to manu diritta. Esse mancinu vole di chì faci listessu ma cù a to manu manca. S’è tù sì ambidestru, scrivi cù e to duie mani. Una di e spiegazione seria l’eredità : più mancini ci sò inde a to famiglia, più mancinu poi esse. Ma aduprà un latu invece l’altru, perchè ? Prima à l’età di trè anni, i zitelli si ghjovanu di e so duie mani. Dopu l’età di trè anni, spunta una preferenza. Hè una tappa impurtantissima di u sviluppu di u cervellu. U nostru cervellu hè spartutu in duie metà, una diritta, una sinistra. Ma ùn anu listessu scopu. Una supraneghja l’altra. Per sapè, poi fà una sperienza : fà ti lampà parechji pallò è vedi cù quale manu i chjappi. A manu diritta ? Sì manidrittu, cù a manu manca ? Sì mancinu. Stu riflessu mostra bè chì u to cervellu à un latu chì supraneghja l’altru. Sta preferenza per un latu di a to curpuratura hè valevule per u pede, l’ochju è l’arechja dinù. Inde u mondu, solu una persona nantu à 10 hè mancina. Ma ùn si sà spiegà u perchè cume. 

Seguitemi nantu à e rete !

Subscribe To Our Newsletter

Subscribe To Our Newsletter

Join our mailing list to receive the latest news and updates from our team.

You have Successfully Subscribed!

Abbunate vi à à nostra lettera d'informazione

Ricevite i nostri articuli tutti i ghjorni

 

Perfettu!