Ghjaseppu Mambrini ci parla di u so mistieru d’artistu musicante
U 29/09/2020
Scrittu da A redazzione

– Salute, vi ringraziemu d’avè rispostu à a nostra intervista. Vi pudete prisentà ?

– Salute, mi chjamu Ghjaseppu Mambrini, aghju 26 anni è sò Artistu musicante ind’è parechji gruppi di musica in Corsica.

– Quale sò sti gruppi ?

– Allora per avà sò musicante ind’è Voce Ventu, Barbara Furtuna, A Pasqualina, Cuscenza, Attallà è Chjar’ di luna.


– Cosa si face ind’è u mistieru di Musicante ?

– U mo travagliu hè di sunà a ghitarra è altri strumenti incù d’altri musicanti ch’ella sia in repetizione, in arrigistramentu per un dischettu o nant’à a scena. Scrivu a musica di certe canzone dinù, dopu, ci ritruvemu incù u gruppu è e cantemu per vede s’elle ci piacenu. S’ellu hè u casu, arrigistremu ind’è un studio d’arrigistramentu per fà un dischettu è per fà cuncerti.

– Chi studii si deve fà per diventà artistu musicante ?

– Hè megliu di fà u cunservatoriu di musica è d’amparà u sulfeghju per esse prufessiunale. Pensu chì u più impurtante hè di travaglià ogni ghjornu u so strumentu. 


– Quale sò i vantaghji di stu mistieru ?- Sò numerosi ! Campà di a so passione, scuntrà a ghjente, viaghjà è scopre u mondu, vede u so publicu felice di sente e nostre canzone …

– Ci hè quantunque qualchì svantaghji nò ?

– Iè sicuru ch’elli esistenu ! Ci vole à fà assai di strada per andà ind’è un locu di cuncertu per esempiu è dopu à stu cuncertu, si rientre di notte. Simu sempre annant’à a strada. Di più, durante a stagione musicale si deve travaglià in furia è e ghjurnate sò longhe.


Quale sò e qualità bisugnevule per esse musicante ?

Ci vole à esse sopratuttu travagliadore, puntuale è rigurosu. Hè importante dinù d’esse qualchissia chì sta à sente, pazientosu è vuluntariu.


Cumu si passa una ghjurnata di musicante ?

S’arrizza à bon’ora per travaglià u strumentu, dopu vene u tempu di u studio d’arrigistramentu è a repetizione in fine di ghjurnata. Durante a stagione musicale, si face u sonu nant’à a scena u dopumeziornu, u gruppo face u cuncertu è dopu, ognunu rientre in casa soia.

Seguitemi nantu à e rete !

Subscribe To Our Newsletter

Subscribe To Our Newsletter

Join our mailing list to receive the latest news and updates from our team.

You have Successfully Subscribed!

Abbunate vi à à nostra lettera d'informazione

Ricevite i nostri articuli tutti i ghjorni

 

Perfettu!