Ghjurnata Internaziunale di i Diritti di i Zitelli : perchè hè statu sceltu stu ghjornu perchè
Scrittu da A redazzione
U 18/11/2021

Ogni 20 nuvembre, hè festighjata a Ghjurnata Internaziunale di i Diritti di i Zitelli. Hè statu sceltu stu ghjornu perchè chì ci ricurdemu di u ghjornu induve l’Assemblea Generale di E Nazione Unite hà appruvatu a dichjarazione universale di i diritti di i zitelli, à New York in u 1959.  Ogni zitellu deve esse rispettatu. Ma in certi paesi di u mondu, i zitelli ùn ponu andà à scola, travaglià di modu degnu, ùn ponu esse liberu di parolla è vesti si cum’ella li pare. Eccu a storia d’un zitellu curagiosu chì hà provu di migliurà a vita di l’altri. 

  • Iqbal Masih (1983-1995; Pacchistanu)

Eccu l’infrasata : “Pugneraghju, micca solu per liberà, eiu è i mo compagni di strada, da e mo catene. Micca solu per i zitelli ma dinù per i maiò, perchè ùn pò esiste u bè per i zitelli s’è l’adulti sò offesi è culpiti. V’abbracciu, u vostru Iqbal”.

À quattr’anni Iqbal cumincia à travaglià inde una fabbrica di tappetti in Pacchistanu, senza mai piantà. Quandu casca male a mamma, dumanda 100 dullari in prestitu à u pruprietariu di a fabbrica induve travaglia. Ùn a face micca à turnà i soldi è deve dà u so figliu cum’è schjavu. Iqbal, à 10 anni, scappa, và à a pulizza chì u rimanda à a fabbrica induve hè legatu à l’apparechju induve facia i tappetti. Un ghjornu, vede a pubblicità d’un associu chì salva e persone prigiunere. Li cuntatta è riesce à fà si aiutà è liberà. À parte di stu mumentu, a so missione diventa di liberà tutti l’altri schjavi. In u 1995, per sfurtuna, hè tombu. 

Seguitemi nantu à e rete !

Subscribe To Our Newsletter

Subscribe To Our Newsletter

Join our mailing list to receive the latest news and updates from our team.

You have Successfully Subscribed!

Abbunate vi à à nostra lettera d'informazione

Ricevite i nostri articuli tutti i ghjorni

 

Perfettu!