Perchè i partigiani di Donald Trump anu invasu u Capitole in Washington ?
Scrittu da A redazzione
U 08/01/2021

Stu mercuri u 6 di ghjennaghju, i partigiani di Donald Trump anu invasu u Capitole di Washington per prutestà contr’à a vittoria di Joe Biden, u presidente novu di i Stati Uniti. E fiure, assai viulente mostranu millai di partigiani intrendu ind’è u Capitole, battendu si incù a pulizza. Quatre persone sò morte è 52 sò stati acchjappati da a pulizza.

Malgradu a vittoria di Joe Biden per l’elezzione di u presidente di i Stati Uniti, Donald Trump ùn vulia micca ricunnosce a so scunfitta è hà cuntinuatu di fà cresce l’oddiu annant’à e rete suciale. Mercuri u 6 di ghjennaghju hà prununziatu u discorsu davanti à millai di i sò partigiani, dicendu « ùn abbanduneremu mai », critichendu u so vicipresidente perchè hà ricunnisciutu a scunfitta. U prublema hè chì ind’u listessu tempu, u cungressu americanu vutava in u Capitole di Washington per cunfirmà l’elezzione di Joe Biden cum’è presidente novu. Per fà piantà u votu, i partigiani di Donald Trump anu invasu u Capitole per impedì l’eletti di vutà.

Sò quatre persone chì sò morte mentre a zuffa trà i partigiani è a pulizza. Dopu à que, Donald Trump hà dumandatu a tutti i so sustegni di rientre in casa è di fà piantà e viulenze, ricunniscendu a so scunfitta per a prima volta. Sò da veru, fiure chì eranu di l’altru mondu ind’è u tempiu di a demucrazia americana.

Seguitemi nantu à e rete !

Subscribe To Our Newsletter

Subscribe To Our Newsletter

Join our mailing list to receive the latest news and updates from our team.

You have Successfully Subscribed!

Abbunate vi à à nostra lettera d'informazione

Ricevite i nostri articuli tutti i ghjorni

 

Perfettu!