In China, un festivale di zuccatura di ghjacciu incantà a ghjente
Scrittu da A redazzione
U 08/01/2021

A cità di Harbin hà lanciatu marti u 5 di ghjennaghju un’edizione nova di u so festivale internaziunale di ghjacciu è di neve. Una volta l’attrachjata passata, a magia invade a cità di u nordu è u levante di a China. I visitadori ponu spassighjà si ind’è case cutrate chì spampilleghjanu di milli culori o di piglià si una falata ind’è toboggan di ghjacciu. Quist’annu, e zuccature effimere s’inspiranu di l’antica strada di a setula chì francava l’Asia centrale, rilighendu à China è l’Europa incù e so caravane di camelli.

A cità di Harbin hè cusì bè per fà stu festivale perchè d’inguernu e temperature calanu sin’à -30 gradi ! Un fretu ch’ùn face miccà peura à u milione di visitadori chì venenu ogni annu mentre i dui mesi ch’ellu dura u festivale. In u 2019, un marosu di caldu avia pruvucatu a sdrutta di tutte e zuccature, pruvuchendu a stanciata di u festivale. Quist’annu, a ghjente serà menu numerosa per via di l’epidemia di Covid-19 chì tocca u mondu sanu. 

Speremu ch’elli anu un bellu mantellu i turisti per stà fora sottu à -30 gradi !

Seguitemi nantu à e rete !

Subscribe To Our Newsletter

Subscribe To Our Newsletter

Join our mailing list to receive the latest news and updates from our team.

You have Successfully Subscribed!

Abbunate vi à à nostra lettera d'informazione

Ricevite i nostri articuli tutti i ghjorni

 

Perfettu!