In Nova Zelanda, hè cresciutu u pomu u più maiò di u mondu !
Scrittu da A redazzione
U 12/11/2021

Mentre facianu u so ortu, in Nova Zelanda, Colin è Donna Craig-Brown anu fattu una scuperta tremenda : a famiglia hà vistu un pomu maiò sottu à a terra.

Prima, i dui abitanti ùn capianu cosa ghjera perchè chì u tuberu ùn era tantu bellu. 

Ma dopu à avè cacciatu un pocu di a so buchja è avè tastatu un pezzucciu, à famiglia hè stata d’accunsentu : hè un pomu. Colin è Donna Craig-Brown anu subitu subitu purtatu a so scuperta in casa soia per pisà la. A bilancia palesa un pese di … 7 chilò 8. 

Saria u pomu u più grossu mai trovu in u mondu. A prova suprana sin’à avà hè di 5 chilò è hè stata fatta in u 2011 in Inghilterra. 

A famiglia hà chjamatu u Guinness Book per fà validà sta prova suprana tremenda ! Aspettanu avà una risposta di l’organismu. Aspettendu una risposta, u pomu chjamatu « Doug » hè tenutu à u cunghjelatore.

Qualchì simana dopu à a so scuperta, u tuberu maiò hè diventatu famosu ! Colin è Donna Craig-Brown anu ancu fabbricatu un caruleddu per fà lu viaghjà. « Sai, u tintu , ùn hà nè bracce nè ghjambe, l’aghju fattu un caruleddu cusì pudemu fà lu sorte è dà li un pocu di sole ogni tantu. » dichjara Colin.

Seguitemi nantu à e rete !

Subscribe To Our Newsletter

Subscribe To Our Newsletter

Join our mailing list to receive the latest news and updates from our team.

You have Successfully Subscribed!

Abbunate vi à à nostra lettera d'informazione

Ricevite i nostri articuli tutti i ghjorni

 

Perfettu!