Instagram festighjeghja i so 10 anni
U 05/10/2020
Scrittu da A redazzione

U 6 d’uttobre di u 2010, l’Americani Kevin Systrom è Mike Krieger mettenu in ballu una rete suciale per sparte i so ritratti. Cosa c’hè di novu ? L’applicazione per i telefunini prupone parechji filtri per cambià u lume, i cuntrasti o i culori di i vostri ritratti… per pudè sparte u ritrattu perfettu, cum’è un Polaroid. U successu d’iss’applicazione si face subbitu subbitu. Dui anni dopu, l’applicazione hà cambiatu u mondu di a futugrafia impunendu i so valori, è hè stata cumprata da Facebook. Diventa assai prestu a piattaforma induve ognunu si mustra cù i « selfies ». L’applicazione permette dinù à a ghjente di diventà famose, star chjamate « Instagirls » cum’è Chiara Ferragni (21 milioni di persone a seguitanu nant’à issa rete suciale) chì hè diventata dopu egeria per Lancôme, o Kylie Jenner dinù, di a famiglia Kardashian, seguitata da 196 milioni di persone. 

Ma ci vole à fà casu à issa trappula di « Facciu selfies allora sò », perchè a vita vera ùn hè micca issu falzu mondu di perfezzione chì ci hè cuntatu nant’à internet. 

Seguitemi nantu à e rete !

Subscribe To Our Newsletter

Subscribe To Our Newsletter

Join our mailing list to receive the latest news and updates from our team.

You have Successfully Subscribed!

Abbunate vi à à nostra lettera d'informazione

Ricevite i nostri articuli tutti i ghjorni

 

Perfettu!