Italia: Stu passiunatu di u filmu « Le Seigneur des Anneaux » campa cum’è un veru hobbit cù a so famiglia
Scrittu da A redazzione
U 13/09/2021

In Italia, un pastizzeru di 37 anni hà decisu di campà cum’un Hobbit, un persunaggiu di u racontu legendariu di J.R.R “Le Seigneur des Anneaux”. Hà dunque compru un terrenu di dui ettari à Bucchianico è ci hà custruitu a so propria “Comté”, a patria di i “Hobbit”, ci face sapè u ghjurnale The Guardian. Hà custruitu una casa tradiziunale, tipica di a storia è ci campa custumatu cum’è Bilbo o Frodon Saquet, cù a so moglia è i so figlioli. ” Qualchì tempu fà, aghju capitu chì i libri è i filmi ùn mi bastavanu più. Avia bisognu di più per stancià a mo passione per stu racontu legendariu è fantasticu”, hà spiegatu Nicolas Gentile à u ghjurnale britanicu. 

Custruzzioni eculogiche

U talianu vole dinù custruisce altri casamenti mitichi di u mondu di Tolkien, cum’è l’albergu di u ” Dragon Vert”, o a caravana di i nannili. Ste custruzzioni adupreranu l’energia sulare perchè chì Nicolas Gentile vole fà di u so terrenu, un locu ecu-rispunsevule.

  • Gmail
  • Facebook

Seguitemi nantu à e rete !

Subscribe To Our Newsletter

Subscribe To Our Newsletter

Join our mailing list to receive the latest news and updates from our team.

You have Successfully Subscribed!

Abbunate vi à à nostra lettera d'informazione

Ricevite i nostri articuli tutti i ghjorni

 

Perfettu!