Joseph è Sylvia, 88 è 82 anni, ballanu nantu à TikTok
Scrittu da A redazzione
U 18/01/2021

Stu paghju di vechjetti hà scatinatu e rete suciali, in particulare TikTok, induve si ponu seguità ogni ghjornu i so balli. Joseph è Sylvia anu 88 è 82 anni, sò à a ritirata è cum’è milioni d’inglesi campanu stu novu cunfinamentu. Hè a so figliola Jackie, di 60 anni, chì l’hà visiti andà di male in peghju per via di u cunfinamentu : « ùn surtianu più, ùn vidianu più à nimu, è ùn avianu mancu più a voglia di parlà » hà dettu à u Daily Mail. « Aghju dunque trovu qualcosa per sveglià li. Aghju decisu di mustrà li TikTok. » 

Nantu à una canzona d’Elvis, l’innamurati si feghjanu, s’alzanu, si surridenu è si mettenu à ballà ind’è u so salone. Ray Charles, Chuck Berry, Fats Domino… ùn si piantanu più. Jackie, hà filmatu u tuttu. Un pezzu di u filmettu hè statu messu in linea. Ci sò state 3 milioni di viste in qualchì ora : micca male per un paghju di vechjetti nantu à e rete suciali preferite di l’adulescenti.

Seguitemi nantu à e rete !

Subscribe To Our Newsletter

Subscribe To Our Newsletter

Join our mailing list to receive the latest news and updates from our team.

You have Successfully Subscribed!

Abbunate vi à à nostra lettera d'informazione

Ricevite i nostri articuli tutti i ghjorni

 

Perfettu!