Loto di u patrimoniu : u cunventu di Marcassu hè statu selezziunatu per a regione corsa
Scrittu da A redazzione
U 06/04/2021

À a Fundazione di u Patrimoniu li piace a Balagna. Dopu à u cunventu di e figliole di Maria di Lisula in u 2020, ghjè un antru situ balaninu chì hè statu ritenutu. U cunventu di Marcassu hè statu selezziunatu per a regione corsa, à mezu à i 18 siti emblematichi di metrupola è di l’aldilà chì sò stati scuperti stu 5 d’aprile di u 2021. E sore di a cumunità di u « Rosier di l’Annonciation » anu bisognu di tutti per salvà u cunventu : ci vole 617 000 euri !

Una chjama sulidaria : u principiu di u loto di u patrimoniu hè simplice assai : ogni annu a « Française des Jeux » mette in vendita parechji ghjochi chì si chjamenu Mission Patrimoine.

È se i vincitori piglianu i so guadagni, cum’è sempre, e cose cambianu da u latu di e ricette di u Statu. A somma chì volta, di modu nurmale inde e so cascie, hè u tempu di a china, data à i siti ritenuti ogni annu. 

In Corsica, u primu situ à avè ricevutu i soldi di sta china di u patrimoniu, hè u cunventu San Francescu, à Pinu. Un sceccu di 296.000 euro era statu rimessu à a municipalità in u 2018. St’annu quì hè un antru cunventu, quellu di Marcassu, à Cateri, chì puderà finanzà una parte di i travaglii per rifà u so tettu.

Seguitemi nantu à e rete !

Subscribe To Our Newsletter

Subscribe To Our Newsletter

Join our mailing list to receive the latest news and updates from our team.

You have Successfully Subscribed!

Abbunate vi à à nostra lettera d'informazione

Ricevite i nostri articuli tutti i ghjorni

 

Perfettu!