Ma cosa hè u Black Friday ?
Scrittu da A redazzione
U 29/11/2021

U Black Friday (chì vole dì u venneri neru in francese) ci vene da i Stati Uniti. Hè l’ultimu venneri di u mese di nuvembre. Hè una festa impurtantissima mentre a quale l’americani si ritruvanu in famiglia per ma,ghjà a ghjallinaccia. Hè una tradizione famosa in America dapoi l’anni 70, u lindumane di a festa di Thanksgiving. Ghjè l’appuntametu ch’omu ùn pò mancà per cumprà a robba, cù un calu scemu di i prezzi. St’eventu hè u signale di u principiu di e spese di Natale. I cunsumadori cumpranu a robba à prezzi bassi assai è i cumercianti facenu u so ciffru d’affare. Sò dinù parechje imprese à dà un ghjornu liberu à i so impiegati per st’uccasione quì. Ma perchè si chjama « Black » ? I cali di i prezzi sò tremendi à i Stati Uniti, è vanu certe volte sinu à -80%. Pensate puru à i magazini affulati, cù un mondu tamantu… eccu forse l’urigine di a spressione « Venneri neru ». Si dice dinù chì chì i soldi guadagnati empienu i conti in banca è permettenu di novu di scrive i ciffri in neru è micca in rossu. Sta tradizione di ghjurnata di soldi hè spartuta inde u mondu sanu avà. Dapertuttu, i cummerci è siti internet facenu prove suprane di vendite, cù ogni annu perfurmanze nove. E promuzione principianu avà u luni prima à u Black Friday è finiscenu u luni dopu. Si parla d’una “simana nera”. Certi ùn volenu participà à sta frenesia di cumprera è invitanu a ghjente à ùn cumprà nunda stu ghjornu quì.

Seguitemi nantu à e rete !

Subscribe To Our Newsletter

Subscribe To Our Newsletter

Join our mailing list to receive the latest news and updates from our team.

You have Successfully Subscribed!

Abbunate vi à à nostra lettera d'informazione

Ricevite i nostri articuli tutti i ghjorni

 

Perfettu!