U primu d’aprile hè u ghjornu per fà macagne è burle è appiccà pesci inde u spinu di i so amichi. 

L’urigine a più cunnusciuta ci vene da u 14esimu seculu è a vuluntà di Carlu IX d’impone u ghjornu di u primu di ghjennaghju cum’è primu ghjornu di l’annu nantu à u calendariu di tutti i francesi. Ma à st’epuca, certe persone ùn anu avutu l’infurmazione o ùn anu vulsutu rispettà a decisione di u rè è anu tenutu u francà di l’annu u primu d’aprile. Tandu s’uffria soldi per stu ghjornu. Sti soldi si serianu à pocu à pocu trasfurmati in burle, pesci appiccati inde u spinu per macagnà si. 

Un’altra pussibilità ci face ricullà à e feste di l’antichità, induve una ghjurnata sana era cunsacrata à e burle è i scherzi. Per u pesciu d’aprile in lea cù u primu d’aprile, veneria da u mese, cù u periudu d’apertura è di chjusura di a pesca, ma dinù di a quaresima, induve ùn ci vole manghjà a carne ma cunsumà u pesciu.