Ma quale hè Wejdène, 16 anni, u fenomenu Tik Tok diventata a star di l’adulescenti ?
U 28/09/2020
Scrittu da A redazzione

U so primu dischettu hè esciutu venneri. Wejdène hè digià diventata un fenomenu musicale. Hè paragunata cù Aya Nakamura.

Emu cunnusciutu à Wejdène nant’à Tik Tok mentre u cunfinamentu quandu issa giuvanotta chì vene da u circondu pariginu, è chì hè allora scunnisciuta da u pubblicu, mette nant’à Tik Tok un pezzu di a so canzona « Anissa » è crea u “#AnissaChallenge”.

« Pigli i to calzunetti è fora di a mo vista », « Parli cù una Anissa ma eiu mi chjamu Wejdène”: in qualchì ora, i filmetti di a ghjente chì ballanu nant’à issa canzona ritmata assai, cù una gramatica sbagliata à spessu, si sparghjenu in furia nant’à Tik Tok. 

Nant’à Youtube, u filmettu « Anissa » hà francatu u milione di viste in qualchì ghjornu, è s’avvicina avà à 61 milioni di viste. Listessu per u so secondu tittulu « Coco » chì hà più di 30 milioni di viste. Un successu chì si vede nant’à e piattaforme di « streming »cum’è Deezer è Spotify.

Hè stata seguitata da millai di persone, hè stata dinù macagnata per i so sbaglii di lingua francese… A giuvanotta hè diventata un fenomenu di a pop cultura è hà esciutu issu venneri, u so primu dischettu. 

È tù, a cunnosci ? 

Seguitemi nantu à e rete !

Subscribe To Our Newsletter

Subscribe To Our Newsletter

Join our mailing list to receive the latest news and updates from our team.

You have Successfully Subscribed!

Abbunate vi à à nostra lettera d'informazione

Ricevite i nostri articuli tutti i ghjorni

 

Perfettu!