Maroccu : Un pesciu tondu maiò d’una tunnellata pigliatu in mare
Scrittu da A redazzione
U 20/10/2021

Pescatori maruccani anu pigliatu un pesciu tondu smisuratu stu ghjovi à u largu di u Maroccu, scrive u ghjurnale El Pais.

U batellu di pesca era à una centinaia di metri di u scornu spagnolu di Ceuta, accantu à u Maroccu. Fendu cullà e rete, i pescatori anu scupertu un pesciu tondu immensu, longu di 2,90 metri è largu di 3,20 metri, di a spezia Mola Alexandrini. Ùn anu pussutu stimà u so pesu. Di fatti, u pesciu maiò hà rottu a bilancia chì pudia pisà sin’à una tunnellata. L’animale hè statu cappiatu di l’acqua cù duie argane. 

Parechji scientifichi di a stazione di biulugia marina Estrecho di l’Università di Séville (Spagna) sò stati chjamati per piglià l’ADN di u pesciu. U pesciu tondu hè dopu statu cappiatu in mare, a so cattura è a so vendita sò pruibite in Auropa postu chì sta spezia hè vulnerevule. 

Ma u pesciu tondu ùn hè u più grossu pesciu tondu pigliatu da l’umani. Qualchì anni fà, parechji pescatori avianu scupertu un pesciu tondu di 2,3 tunnellate à u Giappone.

Seguitemi nantu à e rete !

Subscribe To Our Newsletter

Subscribe To Our Newsletter

Join our mailing list to receive the latest news and updates from our team.

You have Successfully Subscribed!

Abbunate vi à à nostra lettera d'informazione

Ricevite i nostri articuli tutti i ghjorni

 

Perfettu!