Metà squalu è metà porcu : un animale pescatu à l’isula d’Elba hè une spezia minacciata d’estinzione
Scrittu da A redazzione
U 14/09/2021

Parechji militari di a marina anu pigliatu in u mare vicinu à l’isula d’lElba, in Italia, un animale stranu chì s’assumiglia à u porcu ma dinù à un squalu. L’animale, mortu, hè statu scupertu u 19 d’aostu, ma i ritratti sò stati sparti u 3 settembre. I scientifichi dicenu chì ghjè un cagnacciu scarsu assai è minacciatu. 

Annamaria Nocita, conservatore di a cullezione di i squali à a Specola di Fiurenze hà spiegatu à u ghjurnale “La nazione” chì stu pesciu campa trà quattru è sette centu metri sottu à l’acqua ma ogni tantu colla per buscà a so manghjusca.  

Stu cagnacciu ùn hè periculosu per l’omu è manghja solu molluschi, crustacei, è vermi. Secondu à i scientifichi di l’UICN, l’oxynotus centrina hè in traccia di sparì.

  • Gmail
  • Facebook
  • Gmail
  • Facebook

Seguitemi nantu à e rete !

Subscribe To Our Newsletter

Subscribe To Our Newsletter

Join our mailing list to receive the latest news and updates from our team.

You have Successfully Subscribed!

Abbunate vi à à nostra lettera d'informazione

Ricevite i nostri articuli tutti i ghjorni

 

Perfettu!