Océane Baldocchi ci parla di u so mistieru d’infirmiera liberale
Scrittu da A redazzione
U 05/01/2021

Oghje si parla di u mistieru d’infirmiera liberale. Chì face l’infirmiera ind’è a so ghjurnata ? Quale sò e qualità bisugnevule per fà stu mistieru ? Emu dumandatu à Océane Baldocchi chì ci hà parlatu di u so cutidianu.

 

– Pudete prisentà vi ?

Salute mi chjamu Océane Baldocchi aghju 29 anni è sò infirmiera liberale ind’u rughjone di Bastia.

 

– Cosa si face ind’è u mistieru d’infirmiera liberale ?

A prima cosa ch’ellu si face ind’è stu mistieru è di piglia a primura di l’altri. Ùn femu micca solu curamenti incù medicamenti, si pò accurà dinù incù e parole, parlendu incù a ghjente per vede ciò chì và o micca. Ghjè un mistieru induv’ellu s’aiutà l’altri. Principalmente si face prese di sangue, di tensione, demu i medicamenti à i malati in casa soia è sopratuttu simu qui per parlà è accumpagnà a ghjente ind’a so medicazione. Ghjè un travagliu chì piglia assai tempu è chì hè sfrarentu di quellu d’infirmiera à l’ospidale. L’infirmiera liberale hè sempre annant’à strada per andà à vede i malati in casa soia.

 

 

– Perchè site diventata infirmiera ?

A mo mamma hè anch’ella infirmiera liberale ma aghju sempre detta ch’ùn vulia micca fà cum’è i mo genitori, è infine, aghju fattu cum’è ella (risata). Sò stata sempre passiunata da a medicina è da l’aiutu à l’altri, ghjè a mo mentalità. Stu mistieru era dunque cum’è un’evidenza. Dopu à un staziu mentre a mo scola di medicina sò cascata innamurata di u mistieru d’infirmiera, aghju rimpiazzatu a mo mamma una volta è mi sò campata !

– Chì studi fà per esse infirmiera ?

Prima ci vole passà u cuncorsu generale d’infirmiera. S’ellu hè riesciutu ci vole fà a scola d’infirmiera chì perdura trè anni. Per esse infirmiera liberale ci vole dopu ghjustificà di parechje ore di travagliu cum’è infirmiera ind’un ospidale o una clinica.


– Quale sò i vantaghji è i svantaghji di stu mistieru ?

I vantaghji sò ch’una infirmiera liberale è sempre fora, move sempre è hà a pussibilità di fà u so propiu spartitempu. Hè assai libera ind’u so travagliu dunque è u fattu di travaglià sola hè dinù un vantaghju, infine dipende di a ghjente.

I svantaghji sò chì si principia assai à a sbunurata, versu cinque ore di mane. Si pò dinù esse chjamatu da i malati in piena notte per aiutà li. Ghjè un mistieru assai affatichevule ma veramente appassiunante !

 

 Chì vulete dì à i ghjovani chì si ponenu a questione di chì mistieru sceglie ?

Pensu ch’ellu ci vole cunnosce si per vede ciò ch’ellu ci piace. Ùn simu micca tutti listessi è ognunu hà a so mentalità. U megliu hè di fà stazi in intraprese per fà si un’idea di ciò ch’ellu ci piace o micca.

 

Seguitemi nantu à e rete !

Subscribe To Our Newsletter

Subscribe To Our Newsletter

Join our mailing list to receive the latest news and updates from our team.

You have Successfully Subscribed!

Abbunate vi à à nostra lettera d'informazione

Ricevite i nostri articuli tutti i ghjorni

 

Perfettu!