Parlate mi di u vostru mistieru : Romain Susini coach spurtivu
Scrittu da A redazzione
U 04/10/2021
Ogni simana sottu forma d’intervista, metteremu in lume un mistieru. Serà cusì pussibule di scuntrà à qualchissia chì face stu mistieru è chi ne puderà parlà à modu soiu.
Salute, qual’hè u vostru nome ? Salute, mi chjamu Romain Susini. 
 
Chi ghjè u vostru mistieru ? Sò coach spurtivu dapoi u 2013. Per pudè esse coach spurtivu di modu legale, ci vole à uttene un documentu dopu à avè validatu un diplomu datu da un centru validatu da u ministeru. Stu diplomu si chjama u BPJEPS AGFF. 
C’avete detti chì site passiunatu da u sportu, d’induve vi vene sta passione ? 
Ghjè prima, una storia di piacè, vulè avè stu diplomu per pudè apprufundì e mo cunniscenze persunale eppò dopu c’hè ancu statu a vulintà d’aiutà a ghjente et à ghjunghje à u so scopu spurtivu. 
Oghje, a mio pratica persunale hè diminuita assai è spendu u mo tempu cù e persone chi mi chjamanu. E cunsigliu, e sustengu è e mettu ancu in relazione cù una rete di prufessiunale di a salute (Osteo, duttore per u pesu)..
Cumu custruite e vostre sessione di sportu ? So adatte à tutti ? I giovani o i zitelli vi ponu cuntattà ?
E mo sessione sò custruite secondu à e persone. Ogni casu hè diversu. Travagliu cù un publicu sfarente, l’età, è qualità fisiche sò diverse. Possu fà travaglià un liceanu, o una persona vechja chì vole tene a so salute è a so autonomia. Ghjè per via di sta diversità ch’aghju piacè à alzà mi ogni mattina per principià a mo prima sessione di sportu à 6 ore, perchè chì a nostra attività face chì duvemu esse dispunivule a Ghjurnata sana per cuntentà i nostri clienti. 
Quale sò e qualità necessarie per fà u vostru mistieru ? 
Per riesce in stu mondu, ci vole à esse umile, ùn salvemu e vite, simu educatori spurtivi è aiutemu a ghjente à ghjunghje à u so scopu. 
Ci vole dinù à esse dispunivule è sapè risponde à una demanda à 6ore di mane, o mentre a notte, ancu à bughju in pienu inguernu. 
Ci vole dinù à esse mutivatu per affiancà e persone di a manera a più bella pussibule. 
Ci vole dinù à avè un’igiena di vita, bona. Ùn possu esse stancu quandu sò chjamatu per migliurà a cundizione di a ghjente. 
Infine, duvemu esse à l’ascolta di e persone, duvemu esse in cuntattu ogni ghjornu s’ella ci vole perchè chi ghjè un cuntrattu chi passemu cù ella.
Cumu vedite l’avvene di u vostru mistieru ?
So ottimistu, perchè chì a vita d’oghje hè un TGV : u travagliu, a famiglia, i penseri, e faccende di casa, è un avemu mancu più u tempu per noi. Ghjè à stu mumentu chì a ghjente hà bisognu di viutà si a mente è d’esse accumpagnata in parechji settori : sportu, bellezza, decurazione. C’hè stu bisognu d’esse affiancatu, ascultatu, è noi simu quì per què.
 
  • Gmail
  • Facebook
  • Gmail
  • Facebook

Seguitemi nantu à e rete !

Subscribe To Our Newsletter

Subscribe To Our Newsletter

Join our mailing list to receive the latest news and updates from our team.

You have Successfully Subscribed!

Abbunate vi à à nostra lettera d'informazione

Ricevite i nostri articuli tutti i ghjorni

 

Perfettu!