Parlate mi di u vostru mistieru – Sabrina Mazzoni, pastizzera in Portivechju
Scrittu da A redazzione
U 21/10/2021

Ogni simana sottu forma d’intervista metteremu in lume un mistieru. Cusì, serà pussibile di scuntrà à qualchissia chì face stu mistieru è chì ne puderà parlà à modu soiu. Parlemu oghje di a prufessione di cucinara – pastizzera. 

 

– Salute qual’hè u vostru nome?

– Mi chjamu Sabrina Mazzoni è aghju 33 anni. 

– Chì ghjè u vostru mistieru ?

– Sò cucinara – pastizzera in Portivechju, à u risturante U Guest.  Per mè, stu mistieru hè una passione, ùn aghju micca studiatu a cucina o a pastizzeria. U mo bascigliè era diversu, hè tandu un cambiamentu prufessiunale fattu dui anni fà. 

Sò pastizzera à u Guest in Portivechju, hè u mo sceffu Jerome Casca chì m’hà datu l’oppurtunità di travaglià incù ellu. Ci simu scuntrati nantu à e rete suciale, via Instagram, induve parlavamu di pastizzeria è cucina, postu chì ne sò passiunata da 10 anni. Jerome m’hà allora prupostu di vene à fà un staziu inde ellu, mentre l’estate 2020. Era solu per vede s’ella mi piacia è ci sò sempre. Hè stata l’uccasione per mè di cambià di vita !  Nurmalamente ci vole à fà studii in lea cù a tematica (CAP o BEP Pastizzeria), ma eiu aghju amparatu da per mè, à pocu à pocu perchè chì sò passiunata.

Cosa hè chì ti piace u più in u to travagliu ? 

Ciò chì mi piace u più in u mo mistieru, hè u fattu di fà piacè à a ghjente, di rende a ghjente felice. Di vede li sebbiati di vede, tuccà, manghjà i dulciumi. Ghjè dinù u piacè di fà qualcosa cù e so mane, di dì si, « què, l’aghju fatta eiu. » Hè ciò chi mi piace u più, di vulè cuntinuà à fà ne sempre di più, sempre megliu. Travaglià cù e so mani hè veramente piacevule. Pensu sempre à ciò chì possu fà, creà, mi trica sempre di megliurà mi ! 

Ciò chì preferiscu fà è appruntà ghjè a pasta sfugliata, e brioscie, i curnetti, u pane à a cicculata. A babka hè u mo dolce preferitu : hè una brioscia intricciata cù cicculata è nuciola dentru ! Hè tremenda. 

– Quali sò svantaghji di sta professione?

– Stu mistieru hè un travagliu di creazione, di passione ma ci sò quantunque qualchì svantaghju ! Per sfurtuna, ci vole à stà arrittu ore sane ! A pastizzeria dumanda assai assai pratica ! Ci vole à stà sin’à a l’ultima tappa di realisazione di i dulciumi. Eppò ci vole à pisà cazzarole, pignate è fattoghje assai assai pisive. Duvemu dinù andà in furia, ci vole à esse reattivu. Duvemu fà parechje cose à u listessu tempu per ùn fiascà u nostru dolce. 

Eccu i principali svantaghji : stà arrittu ore sane, pisà stuvligli pisivi, travaglià in furia, è avè urari di travagliu cumplicati. A matina duvemu esse à u travagliu à 4 ore, 5 ore.

– Quale sò e qualità necessarie per fà stu travagliu?

– E principale qualità sò : esse paziente, attente, duvemu sempre riflette per esse sicuru d’ùn sminticà qualcosa inde a nostra sosula. Hè un travagliu chì dumanda d’esse sempre attivu di cervellu ! Sabrina cuntinueghja ogni ghjornu à amparà, à cucinà dolci novi  è a megliurà si ! Pudete ritruvà u so travagliu nantu à u so

Instagram : sa_brichka

Seguitemi nantu à e rete !

Subscribe To Our Newsletter

Subscribe To Our Newsletter

Join our mailing list to receive the latest news and updates from our team.

You have Successfully Subscribed!

Abbunate vi à à nostra lettera d'informazione

Ricevite i nostri articuli tutti i ghjorni

 

Perfettu!