Parlatemi di u vostru mistieru : veterinariu
Scrittu da A redazzione
U 23/09/2021

Ogni simana sottu forma d’intervista metteremu in lume un mistieru.
Cusì, serà pussibile di scuntrà à qualchissia chì face issu mistieru è chì ne puderà parlà à modu soiu. Parlemu oghje di a prufessione di veterinariu. Cumu si diventa veterinariu?

 

– Salute qual’hè u vostru nome?

– Mi chjamu Lisandru

– Chì ghjè u vostru mistieru ?

– Sò veterinariu in Bastia

– In cosa cunsiste u vostru travagliu ?
– Hè un travagliu di succorsu: salvemu l’animale. S’è avete un animale in casa chì hè malatu, noi simu duttori per elli. S’è u vostru cane, u vostru ghjattu ùn si sente micca bè, s’è pensate ch’ellu c’hè un prublemu, noi simu quì per fighjà è per curà lu !

– Chì studii si deve fà per diventà veterinariu ?

– Per diventà veterinariu di prufessione, ci vole à passà un cuncorsu. Hè una cumpetizione naziunale aperta à tutti ma l’ideale hè d’avè un BTS o una licenza scientifica prima di passà u cuncorsu. Ci vole dopu à passà lu è à ottene lu. Ci sò dopu 5 anni per esse diplumatu : In quarta annata, si ottene un DEFV, (u Diplomu di Studii Fundamentali Veterinari) per pudè, infine in quinta annata, ottene u diplomu finale è pudè travaglià cum’è veterinariu.
Ci vole à parte à nantu à u cuntinente (Tulusa, Parigi, Liò, Brittagna) per studià, ste scole ùn esistenu micca à nantu à l’isula.

– Quali sò i risichi di stu travagliu?
– I risichi sò assai numarosi è accadenu à spessu, duvemu veramente esse attenti à ùn sbaglià ci perchè chì u nostru travagliu cuncerna a vita di i vostri amichi di casa i più fidi. Ci vole à esse attenti è à fà un diagnosticu sicuru, eccu perchè studiemu tantu prima d’avè un diplomu.

– Quali sò i vantaghji è i svantaghji di sta – professione?
– Ci sò parechji vantaghji: Per fà stu mistieru, ci vole di sicuru tene caru l’animali. Passemu e nostre ghjurnate à vede animali mansi belli belli. À l’epica d’oghje l’animali chì no’ curemu ùn sò più solu cani è ghjatti. A ghjente tene i sarpi, i topi. Duvemu amparà sempre di più, è cusì pudemu scopre tante nuvità di a nostra prufessione, ùn c’annuiemu mai !

Ci sò dinù, per sfurtuna, qualchì svantaghju. Certe volte duvemu discità si à 3 ore di mane per un’intervenzione, ùn pudemu perde tempu, ci vole à move in furia perchè chì a vita d’un animale ne dipende. Certe volte ùn durmimu di a notte.

– Quale sò e qualità necessarie per fà stu travagliu?
– E principale qualità sò : esse paziente, attente, duvemu sempre riflette per esse sicuru d’ùn sminticà qualcosa inde u nostru diagnosticu. Hè un travagliu chì dumanda d’esse sempre attivu di cervellu !

Seguitemi nantu à e rete !

Subscribe To Our Newsletter

Subscribe To Our Newsletter

Join our mailing list to receive the latest news and updates from our team.

You have Successfully Subscribed!

Abbunate vi à à nostra lettera d'informazione

Ricevite i nostri articuli tutti i ghjorni

 

Perfettu!