Dapoi u 19esimu seculu, l’umani fabricanu sempre più prudutti per manghjà, campà si, veste si.  Simu oghje, 7 miliardi nantu à a terra ! E fabriche è l’agricultura producenu sempre di più. È i bisogni in energia di i trasporti è di e case aumentanu assai prestu. Tutta st’attività cagiuna sempre più gasi gattivi inde l’aria, cum’è u CO2 o u metanu. È sò à spessu in paesi i più indistrualizati qui facenu di più polluzione. Ma Cumu face a polluzione per cambià u tempu ? I gasi chì scappanu inde l’atmusfera aumentanu u riscaldamentu. Di fatti, certi raghji di u sole sò imprigiunati è facenu riscaldà a terra. 

Dapoi 100 anni, a temperatura media di a terra hà aumentatu d’un gradu. Ùn pare tantu ma abbasta à riscaldà l’oceani. 

A sdrughjera di i ghjacciai ùn pianta è u livellu di i mare cresce. Tutti sti malanni mudificanu e temperature è cagiunanu catastrofe climatiche, cum’è a sicchia, e tempeste o e fiumare. Sti fenomeni sò stati multiplicati da 5 in 50 anni, in i mondu sanu. Di pettu à l’emergenza,Parechji paesi s’adduniscenu à spessu per truvà soluzione.

Fiumare, timpeste, sciappitane… Ma cumu hè chì e catastrofe naturale accadenu di più in più ?