Perchè chì u celu hè turchinu ?
Scrittu da A redazzione
U 04/05/2021

L’azzuru di u celu hè u risultatu di a sparghjera di u lume di u sole inde l’atmusfera. S’ella ùn esistia, u celu seria neru è si videria e stelle in pienu ghjornu.
U lume biancu di u sole hè un mischju di i culori di l’arcubalenu. U lume viaghja in onde di diverse lunghezze. U lume viaghja dunque in linea diritta sin’à scuntrà un ostaculu chì u rimanda in altrò. Quandu i raghji di u sole entrenu inde l’atmusfera, scuntranu l’atomu, e mulecule d’aria, e candelle è a polvera chì facenu l’atmusfera. E mulecule d’aria sò adatte per sparghje l’onde più piccule di u lume, l’onde viulette, è turchine. L’onde più longhe cum’è e rosse ùn sò sparte da ste molecule. Hè dunque un mischju di viulettu, di turchinu, di verde è di parechji culori chì danu à u celu u so culore azzuru.

  • Gmail
  • Facebook
  • Gmail
  • Facebook

Parechje sfumature di turchinu

I toni sfarenti di u celu dipendenu di a quantità di vapore è di polvere inde l’aria. Di più ci sò candele d’acqua è polvere inde l’aria, di più a sparghjera hè forte è fà cresce a prupurzione di verde è di giallu dendu un culore più chjaru à l’azzuru. Ma l’assenza di polvera è di candele d’acqua permettenu à a radiazione azzura di rinfurzà si (cum’è in muntagna).

  • Gmail
  • Facebook
  • Gmail
  • Facebook

Seguitemi nantu à e rete !

Subscribe To Our Newsletter

Subscribe To Our Newsletter

Join our mailing list to receive the latest news and updates from our team.

You have Successfully Subscribed!

Abbunate vi à à nostra lettera d'informazione

Ricevite i nostri articuli tutti i ghjorni

 

Perfettu!